ka thian ani si..........
He khawvel, hmangaihtu leh hmangaihte inthenna ramah hian hmangaihna lama pasaltha leh mihrat khawkheng tam takin mual min lo liam san tawh a, chu hmangaihna avang chuan mi tam takin an nunna hial an lo chan phah tawh a. A nih chuan chu hmangaihna chu engnge a nih a, eng vanga lo awm ngawt nge nit a ang le? Hmangaihna chu rilin sawi fiah har hle mah se a tak a kan nun a bet tlat leh beih ngial pawh a paih bo theih hauh loh a nih avang hian kan nunah hian awmze ril tak neiin kan kan
A chang chuan hmangaihna hi hriat thiam a nih loh avangte leh hmangaihtu thinlung chhung ril tak atanga hmangaihna lo luang chhuak chu hriat thiam pui a nih loh avanga rilru natak leh he khawvelpar mawina leh duhawmna te’n hnutiang an chhawn san ta ang hial a ngaiin mitam tak chuan hmangaihna dai tawh lohna ram chu zawng turin he lei hi hnutiang chhawnin hawilo par thliakin lungloh tui hial an lo dawn tawh a. Chu hmangaihna chu eng zat takin nge vahvaih pui mek ang le!
Chutia nuam ti taka a awm lai chuan a hun liam tawh te chu a ngaihtuah rauh rauh a, chu tih lai chuan tlaini tla tur eng mawi em em chuan an inbul a hnim hring no nghulh mai techu a rawn en no chak mai a, chu chang chu lung tilengtu a la ni lo, hnim buk no chak kar atanga mawiem em a sava ten lunglen zai an lo sakna karah chuan lungleng lo fa hi an awm a ngem le! Tlai nit la tur chu ui hle mah se kei pui sa hauh ang mai a hauh beh theih a nih lo va lo rula raw neih ngwt theih a nih loh avang leh Siamtu’n a duh ang taka a lo duan lawk a nih avang chuan khaw thlang lam tlang kar a an tla mai tur chu a en vung vunga, ui tak chuan a thlir liam ve ta mai a! A hmel lan dan atang chuan thil vei tak a nei tih hi a hriat mai theih a. Ni e, thup sen rual loh hian a thil vei chuan a rilru zawng zawng chu a luh a ni.
In thianthatna:Thian hlutna hre thiam tawk chauh chuan finna a nei ve a, thian tha te hlutzia chu a hre chiang em em a. Ni e, thiante nen a nih tawh hi chuan engkim hi a fel thlap zel mai kha a nia, Ui dawih zawk ang mai a hmel hriat lohna ram hla tak a awm chang pawh hian chu inthian thatna chuan mi a phatsan ngai meuh lo a, mahse inthianthatna ch a tan chuan a nun pum ti chhetu leh cu lungngaihna ruam a hnuk luttu chu a ni an tih reng a ring phak ngai hauh lo. An thian ho chuan an hlim em em a, engkim hi an intawm thin a, an mahni ho zingah chun ta bik hi a awm thei hauh lo. An hlim laini a an intheih nghilh ngai lo hang bawkin an lung ngaih lai te pawhin an in theih nghilh ngai lo. An in thian thatna chu pangpar mawi tak ang hian a par vul chuk reng a. A tih loh tur tit a ah inngaiin a inthiam lo hle a, a mah leh amah chu a inhaw ngawih ngawih a ni.
Hun harsa: Chu tia hlim taka a awm lai chuan hun hnuaia leng a la nih miau avangin a mihring nihna chuan a la kal san loa, kalsan a hnekin nitin hian a la zui reng thin a ni tih hriattir tum ni awm tak hian harsatna chhum chu a rawn let ve but but a, a thiantha ber leh a aihnah phah pui, thian inhmangaihna thuk takin a hrui lo a nghet tak a a phuar chu a hmangaih miau si, engnge chu a hmangaihna chu a pawina? A ni thei lo! Thian inhmangaihna chu a duh tawk tlat lo, a thiantha ber chu a hmangaih tlat a. Mahse a hmangaihna han hlan se engtin ngai ang maw! A thiantha tak chuan mi a ah chhiarin hmun hla tak ah a liamsan mai ang tih a hlau bawk si. Rilru hah reng rengin a hun leh nite chu a hmang ral thin a sin. Mahse, a hmangaihna chu thup bo thei tur chuan chakna eng mah a nei chuang si lo engtikah emaw chuan a thup theih loh hun a lo thleng ang a, a la puang chhuak ngei dawn tih chu a hre chiang hle mai. A rin lawk ang ngei chuan a hmangaihna chuan nitin hian zual lam a pan zel avangin, chhungril atanga nawrna chu a hup bet zo tan gang lo a, a nih nih ni tur a a puan chhuah chu a ngai ta a ni. Mahse thian chu thian a ni a, a hmangaihna hlan chu a dang tlat, a ngainat em em thin a thian tan chuan a hrilh hai thlakin hriat thiam a har ani….to be continue…
ngaihnawm hle mai...contn chhiar va chakom ve
ReplyDeletelol..chutiami...kan cont tohlo maithei ni hahaha
ReplyDelete